ఐకాన్ స్టార్ అల్లు అర్జున్ హీరోగా, స్టార్ డైరెక్టర్ సుకుమార్ దర్శకత్వంలో తెరకెక్కుతున్న భారీ యాక్షన్ ఎంటర్టైనర్ పుష్ప 2 ది రూల్. ఈ చిత్రం పుష్ప ది రైజ్ చిత్రానికి సీక్వెల్ గా తెరకెక్కుతోంది. రష్మిక మందన్న హీరోయిన్ గా నటిస్తున్న ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. ఈ చిత్రం ను ముందుగా ఆగస్ట్ 15 న రిలీజ్ చేయనున్నట్లు మేకర్స్ ప్రకటించారు. డిసెంబర్ 6 వ తేదీకి వాయిదా పడడంతో, సినిమా షూటింగ్ ను కాంప్రమైజ్ కాకుండా, తెరకెక్కిస్తున్నారు.
ఈ చిత్రం క్లైమాక్స్ మరియు ఇతర కొన్ని కీలక సన్నివేశాల చిత్రీకరణ బ్యాలెన్స్ ఉంది. అయితే ఈ పూర్తి చిత్రీకరణ సెప్టెంబర్ నెలలో కంప్లీట్ కానున్నట్లు సమాచారం. సెప్టెంబర్ అనంతరం, మేకర్స్ పోస్ట్ ప్రొడక్షన్ వర్క్ పై ఫోకస్ చేయనున్నారు. మొదటి పార్ట్ తెచ్చుకున్న భారీ క్రేజ్ దృష్ట్యా, రెండో పార్ట్ ను అంతకు మించి మరింత గ్రాండ్ గా తెరకెక్కిస్తున్నారు. ఈ చిత్రం లో ఫహాద్ ఫాసిల్, అనసూయ భరద్వాజ్, ధనంజయ, సునీల్, రావు రమేష్ తదితరులు కీలక పాత్రల్లో కనిపించనున్నారు. రాక్ స్టార్ దేవి శ్రీ ప్రసాద్ సంగీతం అందిస్తున్న ఈ చిత్రం కోసం ఆడియెన్స్ ఎంతగానో ఎదురు చూస్తున్నారు.
