నటసింహం బాలయ్య బాబు – యాక్షన్ డైరెక్టర్ బోయపాటి శ్రీను కాంబినేషన్లో వచ్చిన ‘అఖండ’ సినిమా అద్భుత విజయాన్ని సాధించింది. దీంతో, ‘అఖండ 2 – తాండవం’ పై భారీ అంచనాలు నెలకొన్నాయి. ఇప్పటికే, ఈ సినిమాకు సంబంధించిన పూజా కార్యక్రమాలు కూడా జరిగాయి. ప్రస్తుతం ఈ సినిమాలో నటించే నటీనటుల ఎంపిక పై బోయపాటి కసరత్తులు చేస్తున్నారు. మరోవైపు లొకేషన్స్ ను టీమ్ ఫైనల్ చేసే పనిలో ఉంది. ముఖ్యంగా ప్రీ ఇంటర్వెల్ లో ఎంట్రీ ఇచ్చే అఖండ పాత్ర ఎంట్రీ సీన్ కోసం ప్రత్యేకంగా ఓ లొకేషన్ ను డిజైన్ చేసి, భారీగా సెట్ వేస్తారట.
కాగా ఈ సినిమాను 14 రీల్స్ ప్లస్ బ్యానర్‌పై రామ్ ఆచంట, గోపీ ఆచంట ప్రొడ్యూస్ చేస్తున్నారు. థమన్ ఈ సినిమాకు సంగీతం అందిస్తున్నారు. బోయపాటి శ్రీను – బాలయ్య కాంబినేషన్లో హ్యాట్రిక్ విజయాలు నమోదయ్యాయి. దీంతో ‘అఖండ 2 – తాండవం’ పై రెట్టింపు అంచనాలు ఉన్నాయి. పైగా బాలయ్య ప్రస్తుతం ఫుల్ ఫామ్ లో ఉండటం, అన్నిటికి మించి ఈ సినిమా, హిట్ సినిమాకి సీక్వెల్ కావడంతో ఈ చిత్రం పై మరింతగా బజ్ క్రియేట్ అయ్యింది.
