రాజమౌళి దర్శకత్వంలో మహేశ్ బాబు హీరోగా ‘SSMB 29’ అనే వర్కింగ్ టైటిల్‌ తో తెరకెక్కనున్న మూవీ పై సంగీత దర్శకుడు ఎం.ఎం. కీరవాణి తాజాగా ఇచ్చిన అప్‌డేట్ వైరల్ అవుతుంది. ఇంతకీ, కీరవాణి ఏం చెప్పారంటే ?.. ‘నేనిప్పటి వరకూ ఈ సినిమా సంగీత పనులు ప్రారంభించలేదు. ఎందుకంటే ఈ వారమే స్టోరీ లాక్‌ అయింది. టెస్ట్‌ షూట్స్‌ జరుగుతున్నాయి. జులై లేదా ఆగస్టులో మ్యూజిక్‌ వర్క్‌ స్టార్ట్‌ చేస్తా’’ అని చెప్పారు.
కాగా ఈ మూవీలో ఓ హీరోయిన్‌గా చెల్సీ ఎలిజబెత్ ఇస్లాన్ నటించనున్నట్లు ఆ మధ్య వార్తలు వచ్చాయి. ఏది ఏమైనా ఈ సినిమాలో మాత్రం మహేష్ సరికొత్త గెటప్ లో కనిపిస్తాడట. సూపర్ స్టైలిష్ గా హాలీవుడ్ హీరో రేంజ్ లో మహేష్ లుక్ ఉంటుందట. ఈ సినిమాకి కీరవాణి సంగీతం అందిస్తున్నారు. అలాగే ప్రముఖ మాటల రచయిత సాయి మాధవ్ బుర్రా ఈ చిత్రానికి మాటలు రాస్తున్నారు.
