క్రియేటివ్ డైరెక్టర్ సుకుమార్ దర్శకత్వంలో ఐకాన్ స్టార్ అల్లు అర్జున్ హీరోగా రాబోతున్న ‘పుష్ప 2 ది రూల్’ కోసం ఫ్యాన్స్ ఎంతో ఆసక్తిగా ఎదురుచూస్తున్నారు. ఐతే, ఈ సినిమా ప్రస్తుతం ముగింపు దశలో ఉంది. టీమ్ ప్రస్తుతానికి ప్రత్యేక గీతం కోసం ఏర్పాట్లు చేస్తున్నారు. ఈ ప్రత్యేక పాట కోసం శ్రద్ధా కపూర్‌తో పాటు యంగ్ బ్యూటీ శ్రీలీల కూడా రెడీ అయింది. వీరిద్దరూ ఈ పాటలో కనిపిస్తారని వార్తలు వస్తున్నాయి. ఐతే, ఈ వార్తల పై టీమ్ నుంచి ఇంకా క్లారిటీ లేదు.
కానీ, ఈ వారంలోనే ఈ ప్రత్యేక పాట చిత్రీకరణను ప్రారంభించనున్నట్లు తెలుస్తోంది. ఇప్పటికే, ఈ పాట కోసం రామోజీ ఫిల్మ్‌ సిటీలో ప్రత్యేక సెట్‌ను సిద్ధం చేస్తున్నారు. ఈ సెట్ లోనే ప్రేమ్‌ రక్షిత్‌ నేతృత్వంలో ఈ ప్రత్యేక గీతాన్ని చిత్రీకరించబోతున్నారు. అన్నట్టు ఈ పాటతో మొత్తం చిత్రీకరణ ముగుస్తోందట. ఇక ఈ మూవీలో నేషనల్ క్రష్ రష్మిక మందన్న హీరోయిన్ గా నటిస్తుంది. కాగా మైత్రి మూవీ మేకర్స్ సంస్థ పై నవీన్ ఎర్నేని, వై. రవిశంకర్ పాన్ ఇండియన్ రేంజ్ లో గ్రాండ్ గా నిర్మిస్తున్నారు. ఈ భారీ బడ్జెట్ చిత్రానికి దేవి శ్రీ ప్రసాద్ సంగీతం అందిస్తున్నారు.