లేటెస్ట్.. “కాంతార 1” రిలీజ్ డేట్ వచ్చేసింది..!

కన్నడ ప్రముఖ టాలెంటెడ్ హీరో అలాగే దర్శకుడు కూడా అయినటువంటి రిషబ్ శెట్టి నటించి తన స్వీయ దర్శకత్వంలోనే తెరకెక్కించిన భారీ హిట్ చిత్రం “కాంతార” కోసం పాన్ ఇండియా ఆడియెన్స్ కి ప్రత్యేకంగా చెప్పాల్సిన పని లేదు. మొదట కన్నడలో విడుదల అయ్యి నెమ్మదిగా తెలుగు, హిందీలలో కూడా వచ్చి భారీ వసూళ్ళని ఈ చిత్రం అందుకుంది.

ఇలా ఏకంగా 400 కోట్లకి పైగా వసూలు చేసిన ఈ చిత్రానికి ప్రీక్వెల్ గా కాంతార చాప్టర్ 1 ని రిషబ్ శెట్టి భారీ లెవెల్లో ఇపుడు తెరకెక్కిస్తున్నాడు. మరి దీనిపై మేకర్స్ ఇపుడు బిగ్ అప్డేట్ ని అయితే అందించారు. ఈ అవైటెడ్ ప్రీక్వెల్ ని వచ్చే ఏడాది అక్టోబర్ 2 న పాన్ ఇండియా లెవెల్లో రిలీజ్ కి తీసుకొస్తున్నట్టుగా కన్ఫర్మ్ చేశారు. మరి ఈ డివోషనల్ భారీ సినిమా ఎలాంటి రెస్పాన్స్ ని అందుకుంటుందో చూడాలి. ఇక ఈ చిత్రానికి హోంబళే ఫిల్మ్స్ నిర్మాణం వహిస్తుండగా అజనీష్ లోకనాథ్ సంగీతం అందిస్తున్నాడు.