పాన్ ఇండియా స్టార్ ప్రభాస్ హీరోగా బాలీవుడ్ హీరోయిన్‌లు దీపికా పడుకోణె (Deepika Padukone), దిశా పటాని (Disha Patani) ఫీమేల్ లీడ్‌లో యంగ్ అండ్ విజనరీ దర్శకుడు నాగ్ అశ్విన్ తెరకెక్కించిన చిత్రం ‘కల్కి 2898 AD’. ఈ సినిమా ప్రేక్షకుల అంచనాలు అందుకోవడంలో విజయం సాధించి, భారీ వసూళ్లతో వరల్డ్‌వైడ్ బాక్సాఫీస్‌ని షేక్ చేసింది. ఇప్పటికీ స్టడీ పర్ఫార్మెన్స్‌ని కొనసాగిస్తున్న ఈ చిత్రం ఓటిటి రిలీజ్‌పై పలు రకాల వార్తలు వినిపిస్తున్నాయి.

ఈ సినిమా రిలీజైన 8 వారాల తరువాతే ఓటిటిలో అందుబాటులోకి వస్తుందని కన్ఫర్మ్ కావడంతో.. సెప్టెంబర్ మొదటి వారంలో సినిమా ఓటిటిలోకి రావచ్చనే టాక్ వినిపిస్తోంది. కానీ, ఇప్పుడు ఈ సినిమా అంతకంటే ముందే ఓటిటిలోకి వచ్చే ఛాన్స్ ఉన్నట్లుగా కొత్త రూమర్స్ వినిపిస్తున్నాయి. ఈ చిత్రం ఆగస్టు 23 నుంచి ఓటిటిలో అందుబాటులో ఉండనున్నట్లు వార్తలు వినిపిస్తుంది. ఈ చిత్రం ఓటిటి హక్కులను ప్రముఖ ఓటిటి ప్లాట్‌ఫామ్ అమెజాన్ ప్రైమ్ సొంతం చేసుకున్న సంగతి తెలిసిందే.

ఇక ఈ సినిమా ఓటిటి స్ట్రీమింగ్‌లో ఓ ట్విస్ట్ ఉండబోతుందట. ఆగస్ట్ 23 నుంచి సినిమా స్ట్రీమింగ్ చేస్తారని.. కానీ, రెంటల్ పద్ధతిలో ఇది అందుబాటులోకి వస్తుందట. అయితే, దీనిపై అధికారిక క్లారిటీ రావాల్సి ఉంది. ఇక ఈ చిత్రంలో కమల్ హాసన్, అమితాబ్ బచ్చన్ లాంటి దిగ్గజాలు నటించగా.. సంతోష్ నారాయణన్ సంగీతం అందించారు. వైజయంతి మూవీస్ బ్యానర్ ఈ సినిమాను భారీ బడ్జెట్‌తో ప్రొడ్యూస్ చేసింది.