స్టార్ డైరెక్టర్ కొరటాల శివ దర్శకత్వంలో ‘యంగ్ టైగర్ ఎన్టీఆర్’ హీరోగా రాబోతున్న పాన్ ఇండియా సినిమా ‘దేవర పార్ట్ 1’. కాగా ఈ సినిమా సెప్టెంబర్ 27న రిలీజ్ కానుంది. ఐతే, సెప్టెంబర్ 26వ తేదీన USAలో ప్రీమియర్లు వేయనున్నారు. ఈ విషయాన్ని మూవీ టీమ్ తాజాగా ప్రకటించింది. ప్రత్యంగిరా సినిమాస్, హంసినీ ఎంటర్‌టైన్‌మెంట్ సంస్థలు సంయుక్తంగా ఈ మూవీని USAలో విడుదల చేస్తున్నాయి.
కాగా ఈ చిత్రంలో జాన్వీ కపూర్ హీరోయిన్ గా నటిస్తోంది. అలాగే ఈ సినిమాలో సైఫ్ అలీఖాన్, శ్రీకాంత్ తదితరులు కీలక పాత్రల్లో కనిపించనుండగా, అనిరుధ్ సంగీతం అందిస్తున్నారు. మొత్తమ్మీద దేవర సినిమాపై రోజురోజుకూ అంచనాలు పెరుగుతున్నాయి. అన్నట్టు ఇప్పటికే ఈ సినిమా డిజిటల్ రైట్స్ ని నెట్ ఫ్లిక్స్ భారీ ధర చెల్లించి సొంతం చేసుకుందని.. అలాగే ఆడియో రైట్స్ ని టి-సిరీస్, శాటిలైట్ రైట్స్ ను ‘స్టార్ మా’ సొంతం చేసుకుందని టాక్ నడుస్తోంది.