బాలయ్య అన్ స్టాపబుల్ సీజన్ 2 కూడా సూపర్ సక్సెస్ అయింది. ఐతే, రాబోయే ఎపిసోడ్స్ లో పవన్ కళ్యాణ్ ఎపిసోడ్ కూడా ఉంది. ఇప్పటికే అన్ స్టాపబుల్ షోకి పవన్ కళ్యాణ్ – త్రివిక్రమ్ గెస్ట్ లుగా రాబోతున్నారని వార్తలు వచ్చాయి. ఐతే, తాజాగా ఈ ఎపిసోడ్ ఎప్పుడు షూట్ చేయబోతున్నారో కూడా క్లారిటీ వచ్చింది. ఈ నెల 27న అంటే ఈ వారం మంగళవారం నాడు ఈ ఎపిసోడ్ ను షూట్ చేయబోతున్నారు. ఈ షూట్ కోసం పవన్ తన హర హర వీర మల్లు సినిమా షూట్ కి బ్రేక్ ఇచ్చి మరీ.. బాలయ్య షోలో పాల్గొనడం విశేషం.
కాగా పవన్ కళ్యాణ్ – త్రివిక్రమ్ లతో పాటు దర్శకుడు క్రిష్ కూడా ఈ ఎపిసోడ్ లో కాసేపు గెస్ట్ గా అలరించనున్నాడు. మరి బాలయ్య షోకి పవన్ గెస్ట్ గా వస్తే.. ఎలాంటి ప్రశ్నలు ఉంటాయి అన్నదే ఇప్పుడు ప్రధాన ఆసక్తి. ఏది ఏమైనా పవన్ – బాలయ్య ఒకే వేదిక పై, పైగా ఇద్దరి మధ్య పర్సనల్ విషయాలు డిస్కషన్ కి రావడం నిజంగా ఫ్యాన్స్ కి ఫుల్ మీల్సే. ఎలాగూ మధ్యలో త్రివిక్రమ్ కూడా ఉంటాడు. మొత్తానికి బాలయ్య – పవన్ ఎపిసోడ్ సరికొత్త రికార్డ్స్ ను సృష్టించడం ఖాయం అంటున్నారు.