ఐకాన్‌ స్టార్‌ అల్లు అర్జున్ – క్రియేటివ్ డైరెక్టర్ సుకుమార్ కలయికలో అత్యంత ప్రతిష్టాత్మకంగా రాబోతున్న సినిమా పుష్ప 2: ది రూల్. ప్రస్తుతం శరవేగంగా ఈ సినిమా షూటింగ్ జరుగుతుంది. ఐతే, ఈ సినిమా రిలీజ్ డేట్ మళ్లీ మారబోతుందని, వచ్చే ఏడాది మార్చికి ఈ చిత్రం రిలీజ్ డేట్ పోస్ట్ ఫోన్ అవుతుందని రూమర్స్ వినిపిస్తున్నాయి. కాగా ఇప్పడున్న సమాచారం ప్రకారం.. సెప్టెంబర్ చివరి వరకు ఈ చిత్రం షూటింగ్ కొనసాగుతుంది. మరోవైపు సమాంతరంగా పోస్ట్ ప్రోడక్షన్ వర్క్ కూడా జరుగుతుంది.
కాబట్టి, ఈ సినిమా డిసెంబర్ లోనే రిలీజ్ కి రెడీగానే ఉంటుంది. సో.. ‘పుష్ప 2’ రిలీజ్ డేట్ మారే అవకాశం తక్కువే. ఇక ఈ సినిమాలో అల్లు అర్జున్ సరసన రష్మిక జంటగా నటిస్తోంది. సుకుమార్ దర్శకత్వంలో మైత్రీ మూవీ మేకర్స్‌ సంస్థ ఈ చిత్రాన్ని భారీ స్థాయిలో నిర్మిస్తోంది. అద్భుత విజయం సాధించిన ‘పుష్ప: ది రైజ్‌’కి కొనసాగింపుగా రూపొందుతున్న ఈ ‘పుష్ప2’ కోసం ఫ్యాన్స్ రెట్టింపు ఆసక్తితో ఎదురు చూస్తున్నారు. ఈ చిత్రానికి దేవి శ్రీ ప్రసాద్ సంగీతం అందిస్తున్నారు.