యువ నటుడు ఆది సాయి కుమార్, అందాల నటి లావణ్య త్రిపాఠి తొలిసారిగా నటించిన వెబ్ సిరీస్ షో పులి మేక. ఇటీవల ప్రముఖ ఓటిటి మాధ్యమం జీ 5 లో ప్రసారం అయిన ఈ వెబ్ సిరీస్ కి అందరి నుండి సూపర్ గా రెస్పాన్స్ లభిస్తోంది. మర్డర్ మిస్టరీ గా తెరకెక్కిన ఈ క్రైమ్ థ్రిల్లర్ కి చక్రవర్తి రెడ్డి దర్శకత్వం వహించగా కోనవెంకట్ తో కలిసి చక్రవర్తి రెడ్డి స్వయంగా స్క్రీన్ ప్లే కూడా అందించారు.
సుమన్, రాజా చెంబోలు, గోపరాజు రమణ, ముక్కు అవినాష్, స్పందన పల్లి తదితరులు కీలక పాత్రలు పోషించిన ఈ వెబ్ సిరీస్ నేటితో ఏకంగా 100 మిలియన్ మినిట్స్ స్ట్రీమింగ్ అయిందని కొద్దిసేపటి క్రితం జీ 5 వారు అఫీషియల్ గా అనౌన్స్ చేసారు. కోన ఫిలిం కార్పొరేషన్ తో పాటు జీ 5 నిర్మించిన ఈ వెబ్ సిరీస్ కి ఇంత మంచి రెస్పాన్స్ లభిస్తుండడంతో యూనిట్ ఎంతో ఆనందం వ్యక్తం చేస్తోంది.