సూపర్ స్టార్ రజినీకాంత్ హీరోగా నటించిన రీసెంట్ సినిమా “వేట్టయన్” రీసెంట్ గానే రిలీజ్ అయ్యి ఇపుడు ఓటిటి రిలీజ్ కి కూడా సిద్ధం అయ్యిన సంగతి తెలిసిందే. అయితే ఈ సినిమా కాకుండా భారీ అంచనాలు ఉన్న మరో సినిమా మాత్రం దర్శకుడు లోకేష్ కనగరాజ్ తో చేస్తున్న సాలిడ్ యాక్షన్ ప్యాకెడ్ చిత్రం “కూలీ” అని చెప్పొచ్చు.
మరి ఈ సినిమా షూటింగ్ శరవేగంగా పూర్తి చేస్తుండగా ఈ సినిమాలో తలైవర్ సహా ఇంకా చాలామంది అగ్ర తారాగణం ఇండియా వైడ్ గా ఉన్నారు. మన తెలుగు నుంచి కూడా కింగ్ నాగార్జున సాలిడ్ రోల్ చేస్తున్నారు. అయితే వీరితో పాటుగా గత కొన్నాళ్ల నుంచి బాలీవుడ్ మిస్టర్ పర్ఫెక్ట్ ఆమీర్ ఖాన్ కూడా ఉన్నారని పలు రూమర్స్ ఉన్న సంగతి తెలిసిందే.
మరి ఈ రూమర్స్ పై లోకేష్ ఇచ్చిన ఆన్సర్ ఇపుడు ఇపుడు వైరల్ గా మారింది. ఆమీర్ లేదా ఇతర స్టార్స్ ఉన్నారో లేదో అనేది నిర్మాణ సంస్థ అధికారికంగా ప్రకటన ఇచ్చినపుడే తెలుస్తుంది. నేను చెప్పడానికి ఏమి లేదు అంటూ తెలిపాడు. కాకపోతే సినిమా పక్క రాష్ట్రమో లేదా పక్క దేశం నుంచో ఎవరొక నటుడు మాత్రం తప్పకుండా ఉన్నారు అంటూ తన మార్క్ హింట్ ని లోకేష్ అందించాడు. దీనితో ఆమీర్ ప్రెజెన్స్ పై మరింత ఉత్సుకత ఇపుడు ఏర్పడింది.