కోలీవుడ్ యాక్టర్ ప్రదీప్ రంగనాథన్ హీరోగా, ఇవాన హీరోయిన్ గా తెరకెక్కిన రొమాంటిక్ కామెడీ ఎంటర్టైనర్ లవ్ టుడే. ఈ చిత్రం థియేటర్ల లో విడుదల అయ్యి ప్రేక్షకులను విశేషం గా ఆకట్టుకుంది. తెలుగు లో కూడా ఈ చిత్రం మంచి విజయం ను సాధించింది. అయితే ఈ చిత్రం ఇప్పుడు వరల్డ్ టెలివిజన్ ప్రీమియర్ గా బుల్లితెర ప్రేక్షకులను అలరించడానికి సిద్దం అవుతోంది.
ఈ చిత్రం వచ్చే ఆదివారం సాయంత్రం 6 గంటలకు స్టార్ మా లో ప్రసారం కానుంది. AGS ఎంటర్ టైన్మెంట్ బ్యానర్ పై నిర్మించిన ఈ చిత్రానికి నటుడు, ప్రదీప్ రంగనాథన్ దర్శకత్వం వహించారు. ఈ చిత్రానికి యువన్ శంకర్ రాజా సంగీతం అందించారు. ఈ చిత్రం బుల్లితెర పై ఎలాంటి రెస్పాన్స్ ను సొంతం చేసుకుంటుందో చూడాలి.