మోలీవుడ్ యంగ్ అండ్ టాలెంటెడ్ హీరో దుల్కర్ సల్మాన్ హీరోగా మీనాక్షి చౌదరి హీరోయిన్ గా దర్శకుడు వెంకీ అట్లూరి తెరకెక్కించిన బ్లాక్ బస్టర్ హిట్ చిత్రం “లక్కీ భాస్కర్” కోసం తెలిసిందే. మరి దీపావళి కానుకగా వచ్చిన ఈ చిత్రం ఇపుడు నెల రోజుల రన్ ని అయితే పూర్తి చేస్తుంది. అయితే ఈ చిత్రం కూడా నెలలోపే ఓటిటిలో కూడా వచ్చేసింది.
దిగ్గజ స్ట్రీమింగ్ యాప్ నెట్ ఫ్లిక్స్ లో లక్కీ భాస్కర్ పాన్ ఇండియా భాషల్లో స్ట్రీమ్ అవుతున్నప్పటికీ ఇపుడు ఈ సినిమా థియేటర్స్ లో ఇంకా హవా కనబరుస్తుండడం విశేషం. ఇప్పటికీ థియేటర్స్ లో లక్కీ భాస్కర్ మంచి బుకింగ్స్ నమోదు చేస్తూ మంచి హోల్డ్ లో దూసుకెళ్తుండడం ఇంట్రెస్టింగ్ గా మారింది. మరి ఈ మధ్య కాలంలో ఓటిటిలో వచ్చినప్పటికీ కూడా థియేటర్స్ లో రన్ అయ్యిన సినిమాలు దాదాపు గగనం అనే పరిస్థితి ఉంది అలాంటిది లక్కీ భాస్కర్ ఇలాంటి ఫీట్ చెయ్యడం విశేషం అనే చెప్పాలి.