మలయాళ స్టార్ దుల్కర్ సల్మాన్ నటించిన లేటెస్ట్ మూవీ ‘లక్కీ భాస్కర్’ దీపావళి కానుకగా రిలీజ్ అయ్యి మంచి టాక్‌తో దూసుకుపోతుంది. ఈ సినిమాను దర్శకుడు వెంకీ అట్లూరి డైరెక్ట్ చేయగా, పూర్తి ఎంటర్‌టైనింగ్ కథతో ఈ సినిమా ప్రేక్షకులను అలరిస్తోంది. అటు వసూళ్ళ పరంగా కూడా ‘లక్కీ భాస్కర్’ సాలిడ్ కలెక్షన్స్ రాబడుతున్నాడు.
అయితే, ఈ సినిమా ఓటీటీ రైట్స్‌ని ప్రముఖ ఓటీటీ ప్లాట్‌ఫామ్ నెట్‌ఫ్లిక్స్ మంచి రేటుకి దక్కించుకుంది. కాగా, ఈ సినిమాను ఎప్పుడు ఓటీటీలో స్ట్రీమింగ్ చేస్తారనే విషయంపై తాజాగా ఓ వార్త వినిపిస్తోంది. ‘లక్కీ భాస్కర్’ చిత్రాన్ని నవంబర్ 30 నుండి ఓటీటీలో స్ట్రీమింగ్‌కి తీసుకొచ్చే అవకాశాలు ఉన్నాయని తెలుస్తోంది.
కానీ, ఈ విషయంపై అధికారిక ప్రకటన వచ్చే వరకు వెయిట్ చేయాల్సిందే అని మేకర్స్ చెబుతున్నారు. ఈ సినిమాలో అందాల భామ మీనాక్షి చౌదరి హీరోయిన్‌గా నటించగా జీవి.ప్రకాశ్ కుమార్ సంగీతాన్ని అందించాడు.