మాలీవుడ్ స్టార్ హీరో దుల్కర్ సల్మాన్ ప్రధాన పాత్రలో, డైరెక్టర్ వెంకీ అట్లూరి దర్శకత్వంలో తెరకెక్కుతున్న చిత్రం లక్కీ భాస్కర్. దుల్కర్ సల్మాన్ నటించిన సీతారామం చిత్రంతో తెలుగు ఆడియెన్స్ లో విపరీతమైన క్రేజ్ ను సొంతం చేసుకున్నారు. ఇప్పుడు ఈ చిత్రం పై ప్రేక్షకుల్లో ఎంతో ఆసక్తి నెలకొంది. ఈ చిత్రంలో గుంటూరు కారం ఫేమ్ మీనాక్షి చౌదరి హీరోయిన్ గా నటిస్తుంది. ఈ చిత్రం లో మరొక బ్యూటీ అయేషా ఖాన్ కూడా కనిపించనుంది.
ఇప్పటికే మ్యూజికల్ ప్రమోషన్స్ ను మేకర్స్ స్టార్ట్ చేయడం జరిగింది. ఫస్ట్ సింగిల్ ప్రోమోను రిలీజ్ చేయగా, మంచి రెస్పాన్స్ వచ్చింది. పూర్తి పాట జూన్ 19, 2024 న విడుదల కానున్నట్లు ప్రకటించిన సంగతి తెలిసిందే. రేపు ఉదయం 11:07 గంటలకి శ్రీమతి గారు అంటూ సాగే పాటను రిలీజ్ చేయనున్నారు. తెలుగు, మలయాళం, హిందీ, తమిళ భాషల్లో రిలీజ్ కానున్న ఈ చిత్రంను సితార ఎంటర్టైన్మెంట్స్ మరియు ఫార్చ్యూన్ ఫోర్ సినిమాస్ బ్యానర్ లపై నిర్మిస్తున్నారు. ఈ చిత్రానికి జీవి ప్రకాష్ కుమార్ సంగీతం అందిస్తున్నారు.