యంగ్ అండ్ టాలెంటెడ్ హీరో దుల్కర్ సల్మాన్ ప్రధాన పాత్రలో నటిస్తున్న లేటెస్ట్ మూవీ లక్కీ భాస్కర్. దర్శకుడు వెంకీ అట్లూరి దర్శకత్వంలో తెరకెక్కుతున్న ఈ చిత్రం మరోసారి సరికొత్త రిలీజ్ డేట్ ను ప్రకటించింది. ఈ చిత్రాన్ని ముందుగా సెప్టెంబర్ 27 వ తేదీన రిలీజ్ చేయాలని మేకర్స్ భావించారు. ఆ తర్వాత, సెప్టెంబర్ 7 కి ప్రీ పోన్ చేస్తూ అధికారిక ప్రకటన చేశారు. తాజాగా మరోసారి రిలీజ్ డేట్ గురించి కొత్తగా ప్రకటన చేశారు.
ఈ చిత్రాన్ని అక్టోబర్ 31, 2024 న రిలీజ్ చేయనున్నట్లు ప్రకటించారు. విడుదలలను వాయిదా వేయడం సోషల్ మీడియా ప్రతిష్టపై ప్రభావం చూపుతుంది, కానీ మా సినిమా నాణ్యతకు ఇది చాలా అవసరం. లక్కీ భాస్కర్ ప్రపంచ వ్యాప్తంగా ఈ దీపావళికి థియేటర్ల లోకి రానుంది అని పేర్కొన్నారు. శ్రీకర స్టూడియోస్ సమర్పణలో సితార ఎంటర్ టైన్మెంట్స్ మరియు ఫార్చ్యూన్ ఫోర్ సినిమాస్ బ్యానర్ల పై నిర్మిస్తున్న ఈ చిత్రంలో మీనాక్షి చౌదరి హీరోయిన్ గా నటిస్తుంది. ఈ చిత్రం పై అందరిలో ఆసక్తి నెలకొంది.
