మక్కల్ సెల్వన్ విజయ్ సేతుపతి ప్రధాన పాత్రలో నటించిన 50వ చిత్రం మహారాజ. జూన్ 14, 2024న థియేటర్ల లో రిలీజ్ అయ్యి ప్రేక్షకులను, అభిమానులని విశేషంగా ఆకట్టుకుంటుంది. ఈ చిత్రం కి సంబందించిన ఫస్ట్ వీకెండ్ వసూళ్లను మేకర్స్ సరికొత్త పోస్టర్ ద్వారా వెల్లడించారు. ఈ చిత్రం మూడు రోజుల్లోనే వరల్డ్ వైడ్ గా 32.6 కోట్ల రూపాయల వసూళ్లను రాబట్టడం జరిగింది. ఇది సెన్సేషన్ రెస్పాన్స్ అని చెప్పాలి. అంతేకాక ఈ ఏడాది తమిళంలో ఇదే ఫస్ట్ వీకెండ్ హయ్యెస్ట్ గ్రాసర్ అని తెలుస్తోంది.

సినిమా ఫలితం పట్ల మేకర్స్ సంతోషం వ్యక్తం చేస్తున్నారు. విజయ్ సేతుపతి కమ్ బ్యాక్ కోసం ఎదురు చూసిన అభిమానులకు ఇది మంచి ట్రీట్ అని చెప్పాలి. కురంగు బొమ్మై ఫేమ్ డైరెక్టర్ నిథిలన్ స్వామినాథన్ దర్శకత్వం వహించిన ఈ చిత్రంలో అనురాగ్ కశ్యప్, మమతా మోహన్ దాస్ తదితరులు కీలక పాత్రల్లో నటించగా, అజనీష్ లోక్‌నాథ్ సంగీతం అందించారు. లాంగ్ రన్ లో ఈ చిత్రం మరింత వసూళ్లను రాబట్టే అవకాశాలు కనిపిస్తున్నాయి.