కోలీవుడ్ నుండి ఇటీవల రిలీజైన మహారాజ చిత్రం బాక్సాఫీసు వద్ద 100 కోట్ల రూపాయల క్లబ్ లో చేరి సెన్సేషన్ క్రియేట్ చేసింది. విలక్షణ నటుడు విజయ్ సేతుపతి తన పెర్ఫార్మెన్స్ తో సినిమాకి ప్రాణం పోశాడు. ఈ చిత్రం డిజిటల్ ప్రీమియర్ గా అరంగేట్రం చేసినప్పటి నుండి సూపర్ రెస్పాన్స్ తో దూసుకు పోతుంది. ప్రస్తుతం నెట్ ఫ్లిక్స్ లో గ్లోబల్ గా (నాన్ ఇంగ్లీష్ కేటగిరీ లో) టాప్ 10 లో ట్రెండ్ అవుతోంది. ఇది అదిరిపోయే రెస్పాన్స్ అని చెప్పాలి.
జూలై 8 వ తేదీ నుండి ఇప్పటి వరకూ 6 మిలియన్ల గంటల వ్యూస్ వచ్చాయి ఇది సూపర్ రెస్పాన్స్ అని చెప్పాలి. నిథిలన్ స్వామినాథన్ దర్శకత్వంలో తెరకెక్కిన ఈ చిత్రంలో అనురాగ్ కశ్యప్, మమతా మోహన్ దాస్, అభిరామి తదితరులు కీలక పాత్రల్లో నటించగా, అజనీష్ లోక్ నాథ్ సంగీతం అందించారు. ఈ చిత్రం గ్లోబల్ రీచ్ పట్ల మేకర్స్ సంతోషం వ్యక్తం చేస్తున్నారు.