కోలీవుడ్ యంగ్ హీరో శివ కార్తికేయన్ ప్రధాన పాత్రలో, డైరెక్టర్ మడోన్నా అశ్విన్ దర్శకత్వం లో తెరకెక్కిన యాక్షన్ ఎంటర్టైనర్ మహావీరుడు. ఈ చిత్రం థియేటర్ల లో రిలీజ్ అయ్యి ప్రేక్షకులను, అభిమానులని విశేషం గా ఆకట్టుకుంది. ఈ చిత్రం యొక్క డిజిటల్ హక్కులను ప్రముఖ ఓటిటి సంస్థ అయిన అమెజాన్ ప్రైమ్ వీడియో సొంతం చేసుకున్న సంగతి అందరికీ తెలిసిందే.
ఈ చిత్రం నేటి నుండి ప్రైమ్ వీడియో లో ప్రసారం అవుతుంది. తమిళం లో మాత్రమే కాకుండా, తెలుగు భాషలో కూడా ఈ చిత్రం ప్రేక్షకుల ముందుకు వచ్చింది. థియేటర్ల లో మిస్ అయిన వారికి ఇది మంచి అవకాశం. అదితి శంకర్ హీరోయిన్ గా నటించిన ఈ చిత్రం లో యోగి బాబు, సునీల్ తదితరులు కీలక పాత్రల్లో నటించారు. భరత్ శంకర్ సంగీతం అందించిన ఈ చిత్రం డిజిటల్ ప్రీమియర్ గా ఎలాంటి రెస్పాన్స్ ను సొంతం చేసుకుంటుందో చూడాలి.