ఆంధ్ర ప్రదేశ్ మరియు తెలంగాణ రాష్ట్రాల్లో వరదల కారణంగా చాలా నష్టపోయారు ప్రజలు. వారిని ఆదుకునేందుకు రెండు రాష్ట్రాల ప్రభుత్వాలు సహాయక చర్యలు చేపట్టాయి. అయితే వారికి ఆసరాగా నిలిచేందుకు పలువురు సినీ ప్రముఖులు విరాళాలు అందిస్తున్నారు. ఈ లిస్ట్ లోకి టాలీవుడ్ స్టార్ హీరో, సూపర్ స్టార్ మహేష్ బాబు చేరిపోయారు.
“రెండు తెలుగు రాష్ట్రాలను వరదలు ప్రభావితం చేస్తున్న దృష్ట్యా, నేను ఆంధ్ర ప్రదేశ్ మరియు తెలంగాణ రెండింటికీ సిఎం రిలీఫ్ ఫండ్‌కు చెరో 50 లక్షల రూపాయల విరాళం ఇస్తున్నాను. వరద ప్రభావిత ప్రాంతాలకు తక్షణ సహాయం అందించడానికి మరియు పునరుద్ధరణ ప్రక్రియను సులభతరం చేయడానికి సంబంధిత ప్రభుత్వాలు చేపడుతున్న చర్యలకు సమిష్టిగా మద్దతు ఇద్దాం. ఈ ప్రయత్నానికి ప్రతి ఒక్కరూ సహకరించాలని నేను కోరుతున్నాను. మనం ఈ సంక్షోభాన్ని అధిగమించి, మరింత బలంగా ఎదగాలి” అని పేర్కొన్నారు. మహేష్ చేసిన ఈ సహాయం పట్ల అభిమానులు సంతోషం వ్యక్తం చేస్తున్నారు.
In light of the floods impacting both the Telugu states, I am pledging a donation of 50 lakhs each to the CM Relief Fund for both AP and Telangana. Let’s collectively support the measures being undertaken by the respective governments to provide immediate aid and facilitate the…
— Mahesh Babu (@urstrulyMahesh) September 3, 2024