టాలీవుడ్‌లో తెరకెక్కుతున్న మూవీ ‘కుబేర’పై ప్రేక్షకుల్లో మంచి అంచనాలు క్రియేట్ అయ్యాయి. ఈ సినిమాను దర్శకుడు శేఖర్ కమ్ముల డైరెక్ట్ చేస్తుండగా.. అక్కినేని నాగార్జున, ధనుష్, రష్మిక మందన్న వంటి స్టార్ క్యాస్టింగ్ ఇందులో నటిస్తున్నారు. దీంతో ఈ సినిమా ఎలాంటి కథతో రాబోతుందా అనే ఆసక్తి అందరిలో నెలకొంది.
ఇక ఈ సినిమా నుండి ఇప్పటికే పలు పోస్టర్స్ రిలీజ్ అయ్యాయి. అయితే, ఈ చిత్రానికి సంబంధించిన వీడియో గ్లింప్స్‌ని నవంబర్ 15న రిలీజ్ చేయబోతున్నట్లు చిత్ర యూనిట్ ఇప్పటికే వెల్లడించింది. తాజాగా ఈ వీడియో గ్లింప్స్‌ను సూపర్ స్టార్ మహేష్ బాబు చేతుల మీదుగా రిలీజ్ చేయనున్నట్లు చిత్ర యూనిట్ అనౌన్స్ చేసింది. దీంతో ఈ వీడియో గ్లింప్స్ ఎలా ఉండబోతుందా అనే ఆసక్తి ప్రేక్షకుల్లో నెలకొంది.
ఈ సినిమాకు దేవిశ్రీ ప్రసాద్ సంగీతం అందిస్తున్నాడు. ఈ సినిమాను సునీల్ నారంగ్, పుస్కూర్ రామ్ మోహన్ సంయుక్తంగా ప్రొడ్యూస్ చేస్తున్నారు. ఈ చిత్రాన్ని పాన్ ఇండియా స్థాయిలో రిలీజ్ చేసేందుకు మేకర్స్ రెడీ అవుతున్నారు.
