మన టాలీవుడ్ సూపర్ స్టార్ మహేష్ బాబు హీరోగా నటిస్తున్న లేటెస్ట్ బిగ్గెస్ట్ సినిమా కోసం అందరికీ తెలిసిందే. దర్శక దిగ్గజం ఎస్ ఎస్ రాజమౌళి కాంబినేషన్ లో ప్లాన్ చేస్తున్న ఈ మాసివ్ ప్రాజెక్ట్ పై ఎనలేని అంచనాలు ఉన్నాయి. అయితే ఈ సినిమా వచ్చే లోపు మహేష్ అభిమానులకి బిగ్ స్క్రీన్స్ పై తమ హీరో ఎంటర్టైన్మెంట్ ఏదన్నా ఉంది అంటే అది తన పాత సినిమాల రీ రిలీజ్ లే అని చెప్పాలి.
అలా ఆల్రెడీ ఈ ఏడాదిలో వచ్చిన మురారి పెద్ద హిట్ అయ్యింది. మరి వీరే స్టార్ట్ చేసిన ఈ ట్రెండ్ లో ఇపుడు మరో సినిమా రీ రిలీజ్ కి వస్తున్నట్టుగా తెలుస్తుంది. మహేష్ అలాగే దర్శకుడు సురేందర్ రెడ్డి కాంబినేషన్ లో వచ్చిన సాలిడ్ చిత్రం “అతిథి” ఇపుడు సిద్ధం అయ్యిందట. అయితే ఈ సినిమాని ఈ ఏడాది డిసెంబర్ 31కి ప్లాన్ చేస్తున్నట్టుగా ఇపుడు రూమర్స్ వినిపిస్తున్నాయి. డేట్ అయితే దాదాపు ఇదే ఖాయం అని అలాగే అతిథి రీరిలీజ్ కూడా ఖాయం అన్నట్టు తెలుస్తుంది. మరి ఈ సినిమాకి ఫ్యాన్స్ ఎలాంటి రెస్పాన్స్ ని అందిస్తారో చూడాలి.