“ది రాజా సాబ్” నుండి బ్లాస్ట్ కి సర్వం సిద్ధం..!

రెబల్ స్టార్ ప్రభాస్ వరుస భారీ చిత్రాలతో బిజీగా ఉన్నారు. జూన్ 27 వ తేదీన రిలీజైన కల్కి 2898ఎడి బాక్సాఫీస్ వద్ద భారీ వసూళ్లతో దూసుకు పోతుంది. వెయ్యి కోట్ల క్లబ్ లో చేరి సెన్సేషన్ క్రియేట్ చేయడం జరిగింది. తదుపరి ది రాజా సాబ్ చిత్రంలో కనిపించనున్నారు ప్రభాస్. ఇప్పటికే ఈ చిత్రం నుండి రిలీజైన ప్రచార చిత్రాలు ఆడియెన్స్ ను, ఫ్యాన్స్ ను విశేషం గా ఆకట్టుకున్నాయి. ఈ చిత్రం కి సంబందించిన గ్లింప్స్ ను రేపు సాయంత్రం 5:03 గంటలకి రిలీజ్ చేయనున్నట్లు మేకర్స్ ఇప్పటికే ప్రకటించారు. ఈ ట్రీట్ కోసం ఫ్యాన్స్ ఎంతో ఆసక్తిగా ఎదురుచూస్తున్నారు.

డైరెక్టర్ మారుతి దర్శకత్వంలో తెరకెక్కుతున్న ది రాజా సాబ్ చిత్రానికి థమన్ సంగీతం అందిస్తున్నారు. అయితే రేపటి బ్లాస్ట్ కోసం అంతా సిద్ధం అన్నట్లు మేకర్స్ ఒక ఫోటోను షేర్ చేశారు. డైరెక్టర్ మారుతి తో మ్యూజిక్ డైరెక్టర్ థమన్ ఉన్న ఫోటో అది. చూస్తుంటే, గ్లింప్స్ పై మేకర్స్ సూపర్ కాన్ఫిడెంట్ తో ఉన్నట్లు తెలుస్తోంది. పీపుల్ మీడియా ఫ్యాక్టరీ బ్యానర్ పై నిర్మిస్తున్న పై ప్రేక్షకుల్లో ఆసక్తి నెలకొంది. ఈ చిత్రానికి సంబంధించిన మరిన్ని వివరాలు త్వరలో వెల్లడి కానున్నాయి.