అందరూ ఎంతో ఆసక్తిగా ఎదురుచూస్తున్న చిత్రాల్లో కోలీవుడ్ స్టార్ యాక్టర్ విక్రమ్ నటించిన తంగలాన్ ఒకటి. ఈ చిత్రం స్వాతంత్ర్య దినోత్సవం సందర్భంగా (ఆగస్ట్15) థియేటర్ల లోకి రానుంది. ఈ చిత్రంలో మాళవిక మోహనన్ ఫీమేల్ లీడ్ రోల్ లో నటిస్తుంది. తాజాగా సోషల్ మీడియా వేదికగా అభిమానులతో ప్రశ్నోత్తరాల సెషన్ ను నిర్వహించారు. ఈ సందర్భంగా అభిమానులు అడిగిన పలు ఆసక్తికర ప్రశ్నలకు సమాధానాలు ఇచ్చారు.
మీ డ్రీమ్ రోల్ ఏంటి అని ఒక అభిమాని అడగగా, గ్యాంగ్ స్టర్ గా నటించాలని ఉంది అని అన్నారు. ఈ సెషన్ లో తంగలాన్ చిత్రం గురించి కూడా పలు వ్యాఖ్యలు చేశారు. తంగలాన్ కోసం తొలిసారి స్టంట్స్ చేసినట్లు తెలిపారు. సినిమా చాలా బాగుంటుంది అంటూ చెప్పుకొచ్చారు. ఈ సమాధానాలు సోషల్ మీడియాలో వైరల్ అవుతున్నాయి. తెలుగులో ప్రభాస్ హీరోగా నటిస్తున్న ది రాజా సాబ్ లో మాళవిక మోహనన్ నటిస్తుంది.