పాన్ ఇండియా స్టార్ ప్రభాస్ నటించిన రీసెంట్ మూవీ ‘కల్కి 2898 AD’ ఇటీవల రిలీజ్ అయ్యి బాక్సాఫీస్ దగ్గర సెన్సేషన్ క్రియేట్ చేసింది. ఇక ఈ సినిమా ఇప్పుడు ఓటీటీలో కూడా అందుబాటులోకి వచ్చింది. కాగా, ప్రభాస్ ప్రస్తుతం తన నెక్స్ట్ ప్రాజెక్ట్ ‘ది రాజా సాబ్’ చిత్రాన్ని రెడీ చేస్తున్నాడు. ఈ సినిమాలో హీరోయిన్‌గా నటిస్తున్న మాళవిక మోహన్ తాజాగా ప్రభాస్ గురించి కొన్ని ఇంట్రెస్టింగ్ విషయాలు చెప్పుకొచ్చింది.
ఇటీవల ఆమె ‘తంగలాన్’ చిత్రంతో తెలుగు ప్రేక్షకులను మెప్పించింది. ఇక ‘ది రాజా సాబ్’ చిత్ర షూటింగ్‌లో జాయిన్ అయిన ఆమె ప్రభాస్‌తో ‘కల్కి 2898 AD’ రిలీజ్ కంటే ముందే కలిసి నటించానని.. ఇప్పుడు ఆ సినిమా బ్లాక్‌బస్టర్ హిట్ అయినా కూడా ప్రభాస్‌లో ఎలాంటి మార్పు లేదని.. ముందు ఆయన ఎలా ఉన్నాడో, ఇప్పుడు కూడా అలాగే ఉన్నాడని మాళవిక చెప్పుకొచ్చింది.
ఆయన ఎనర్జీ ఏమాత్రం తగ్గలేదని మాళవిక సంతోషం వ్యక్తం చేస్తోంది. ఇక ఈ సినిమాలో మరో బ్యూటీ నిధి అగర్వాల్ కూడా నటిస్తుండగా ఈ చిత్రాన్ని దర్శకుడు మారుతి డైరెక్ట్ చేస్తున్నాడు. పీపుల్ మీడియా ఫ్యాక్టరీపై టిజి.విశ్వప్రసాద్ ఈ చిత్రాన్ని ప్రొడ్యూస్ చేస్తున్నారు. సమ్మర్ కానుకగా ఈ సినిమాను రిలీజ్ చేసేందుకు మేకర్స్ ప్లాన్ చేస్తున్నారు.
