టాలీవుడ్‌లో పలు హిట్ సినిమాలను ప్రొడ్యూస్ చేసిన మల్లెమాల ఎంటర్‌టైన్‌మెంట్స్ అధినేత శ్యామ్ ప్రసాద్ రెడ్డి ఇంట తీవ్ర విషాదం నెలకొంది. ఆయన సతీమణి వరలక్ష్మీ(62) బుధవారం నాడు కన్నుమూశారు. గత కొంతకాలంగా ఆమె క్యాన్సర్ వ్యాధితో బాధపడుతూ చికిత్స తీసుకుంటున్నారు. ఈ క్రమంలోనే బుధవారం రోజున రాత్రి 8.25 గంటలకు ఆమె చికిత్స పొందుతూ తుది శ్వాస విడిచారు.
శ్యామ్ ప్రసాద్ రెడ్డి, వరలక్ష్మీ దంపతులకు దీప్తి, మైత్రీ ఇద్దరు కుమార్తెలు. వరలక్ష్మీ గారు దివంగత మాజీ ముఖ్యమంత్రి కోట్ల విజయ భాస్కర్ రెడ్డి కుమార్తె. గురువారం మధ్యాహ్నం 3 గంటలకు జూబ్లీహిల్స్‌లోని మహాప్రస్థానంలో ఆమె అంత్యక్రియలు జరగనున్నట్లు కుటుంబ సభ్యులు తెలిపారు. ఆమె మృతి పట్ల టాలీవుడ్‌కి చెందిన పలువురు ప్రముఖులు సంతాపం తెలుపుతున్నారు.
మల్లెమాల ఎంటర్‌టైన్‌మెంట్స్ బ్యానర్‌పై అమ్మోరు, అంజి, అరుంధతి వంటి సినిమాలను శ్యామ్ ప్రసాద్ రెడ్డి ప్రొడ్యూస్ చేశారు. బుల్లితెరపై ‘జబర్దస్త్’, ‘ఢీ’ వంటి పలు సక్సెస్‌ఫుల్ టీవీ షోలను ఆయన ప్రొడ్యూస్ చేస్తున్నారు.
