మళయాళ మెగాస్టార్ మమ్ముట్టి ప్రధాన పాత్రలో నటించిన రెండు చిత్రాలు ఈ ఏడాది సౌత్ ఆడియెన్స్ ని అలరించడానికి వచ్చేసాయి. మరి వీటిలో తాను మోలీవుడ్ లో నటించిన ఇంట్రెస్టింగ్ హారర్ థ్రిల్లర్ చిత్రం “భ్రమ యుగం” కూడా ఒకటి. దర్శకుడు రాహుల్ సదాశివన్ తెరకెక్కించిన ఈ చిత్రం మళయాళ మూవీ లవర్స్ ని ఆకట్టుకోవడమే కాకుండా తెలుగు ఆడియెన్స్ ని కూడా ఇంప్రెస్ చేసింది. అలాగే మమ్ముట్టి కెరీర్ లో మరో ఇంట్రెస్టింగ్ ప్రయోగంగా మారిన ఈ చిత్రం ఇప్పుడు ఫైనల్ గా ఓటిటి రిలీజ్ కి వచ్చేసింది.
ఈ సినిమా స్ట్రీమింగ్ హక్కులు ప్రముఖ సంస్థ సోనీ లివ్ వారు సొంతం చేసుకోగా ఇందులో ఈ చిత్రం ఈరోజు నుంచి మళయాళం సహా తెలుగు, తమిళ్ మరియు కన్నడ హిందీ భాషల్లో కూడా స్ట్రీమింగ్ కి వచ్చేసింది. మరి ఈ చిత్రాన్ని అప్పుడు థియేటర్స్ లో మిస్ అయ్యి ఇప్పుడు చూడాలి అనుకునేవారు ఇప్పుడు సోనీ లివ్ లో ట్రై చేయవచ్చు. ఇక ఈ చిత్రానికి క్రిస్టో జావియర్ సంగీతం అందించగా నైట్ షిఫ్ట్ స్టూడియోస్ మరియు వై నాట్ స్టూడియోస్ వారు నిర్మాణం వహించారు.
