టాలీవుడ్ హీరో మంచు విష్ణు డ్రీమ్ ప్రాజెక్ట్ క‌న్న‌ప్ప నుంచి వ‌రుస అప్డేట్స్ ఇస్తూ సినిమాపై మంచి అంచ‌నాలు క్రియేట్ చేస్తున్నారు. ఈ సినిమాను ముఖేష్ కుమార్ సింగ్ డైరెక్ట్ చేస్తుండ‌గా, డా.మోహ‌న్ బాబు అత్యంత భారీ బ‌డ్జెట్ తో ప్రొడ్యూస్ చేస్తున్నారు.

ఇక ఈ సినిమాలో భారీ క్యాస్టింగ్ న‌టిస్తోన్న సంగతి తెలిసిందే. ఇందులో డా.మోహన్ బాబు, మోహన్ లాల్, అక్షయ్ కుమార్, శరత్ కుమార్, ప్రభాస్, బ్రహ్మానందం, మధుబాల వంటి వారు నటిస్తున్నారు. కాగా, ఈ సినిమా నుంచి కన్నప్పగా విష్ణు మంచు, నాథనాధుడిగా శరత్ కుమార్, చెంచు తెగ నాయకురాలిగా పన్నాగా పాత్రలో మధుబాల లుక్స్ ను రివీల్ చేశారు.

తాజాగా ఈ సినిమాలో ఎరుకల తెగ నాయకుడైన ‘ముండడు’ అనే పాత్రలో దేవరాజ్ అద్భుతమైన లుక్‌ను మేక‌ర్స్ రివీల్ చేశ‌రు. ఈ లుక్ అందరినీ ఆక‌ట్టుకుంటోంది. ఇక ఈ సినిమాలో ముండ‌డు పాత్ర‌కు మంచి ప్రాధాన్య‌త ఉండబోతుంద‌ని తెలుస్తోంది. ఈ సినిమాను అత్యంత ప్ర‌తిష్టాత్మ‌కంగా మేక‌ర్స్ తెర‌కెక్కిస్తున్నారు. ఈ పాన్ ఇండియా ప్రాజెక్ట్ షూటింగ్ చివరి దశకు చేరుకుంది. డిసెంబర్‌లో ఈ చిత్రం ఆడియన్స్ ముందుకు రానున్నట్టుగా మంచు విష్ణు ప్రకటించిన సంగతి తెలిసిందే.