పాన్ ఇండియా స్టార్ ప్రభాస్ నటిస్తున్న లేటెస్ట్ మూవీ ‘ది రాజా సాబ్’ కోసం ప్రేక్షకులు ఎంత ఆసక్తిగా ఎదురుచూస్తున్నారో అందరికీ తెలిసిందే. ఈ సినిమాను దర్శకుడు మారుతి డైరెక్ట్ చేస్తుండగా ఈ సినిమా వచ్చే వేసవి కానుకగా రిలీజ్‌కు రెడీ అవుతోంది. అయితే, ఈ సినిమాకు సంబంధించి ఓ ఇంట్రెస్టింగ్ వార్త సినీ సర్కిల్స్‌లో వినిపిస్తోంది.
ప్రభాస్ నటించిన సినిమాల్లో డ్యూయెట్ సాంగ్.. అందులో మంచి స్టెప్పులు వచ్చి చాలా రోజులు అవుతోంది. దీంతో అభిమానులు ప్రభాస్ నుండి ఓ సాలిడ్ డ్యూయెట్ సాంగ్ కోరుతున్నారు. ఈ క్రమంలో రాజాసాబ్ చిత్రంలో ఓ డ్యూయెట్ ఉండబోతుందని.. మంచి మెలోడీగా సాగే ఈ పాటలో ప్రభాస్ అందాల భామ మాళవిక మోహనన్‌తో రొమాన్స్ చేస్తూ కనిపిస్తాడని తెలుస్తోంది.
ఈ పాటను యూరప్‌లో చిత్రీకరించేందుకు దర్శకుడు మారుతి అండ్ టీమ్ రెడీ అవుతోందట. అయితే, ఈ వార్తలో ఎంతవరకు నిజం ఉందనే విషయం తెలియాలంటే మేకర్స్ నుండి అఫీషియల్‌గా క్లారిటీ వచ్చే వరకు వెయిట్ చేయాల్సిందే.
