ఈ ఆగస్ట్ లో రిలీజ్ కి రాబోతున్న అవైటెడ్ చిత్రాల్లో నాచురల్ స్టార్ నాని హీరోగా దర్శకుడు వివేక్ ఆత్రేయ కాంబినేషన్ లో చేసిన సాలిడ్ మాస్ చిత్రం “సరిపోదా శనివారం” కోసం అందరికీ తెలిసిందే. మరి నాని కెరీర్లో మరో సాలిడ్ హైప్ ఉన్న సినిమాగా ఇది వస్తుండగా మాస్ లో మరిన్ని అంచనాలు సెట్ చేసుకుంది. అయితే మన తెలుగు స్టేట్స్ లో ఆడియెన్స్ సెలబ్రేషన్స్ అంటే కొన్ని థియేటర్స్ కొన్ని ఏరియాలు తప్పక గుర్తొస్తాయి.
అలాంటి వాటిలో హైదరాబాద్ ఆర్టీసీ క్రాస్ రోడ్స్ కూడా ఒకటి. మరి ఇక్కడ సరిపోదా శనివారం కి గాను నానిపై భారీ కటౌట్ ఇప్పుడు దర్శనం ఇస్తుంది. సింగిల్ స్క్రీన్ సుదర్శన్ 35 ఎం ఎం దగ్గర ఈ కటౌట్ కనిపిస్తుండగా దీనితో దీని తాలూకా విజువల్స్ ఓ రేంజ్ లో వైరల్ గా మారాయి. అలాగే ఇదే ఏరియాలో ట్రైలర్ కి భారీ రెస్పాన్స్ వచ్చింది. ఇక సినిమా రిలీజ్ అయ్యాక ఎలా ఉంటుందో చూడాలి. మరి ఈ సినిమాలో నాని సరసన ప్రియాంక మోహన్ నటించగా జేక్స్ బిజాయ్ సంగీతం అందించారు అలాగే డివివి ఎంటర్టైన్మెంట్స్ నిర్మాణం వహించిన సంగతి తెలిసిందే.