మన తెలుగులో అసలు మీమ్స్ అంటే గుర్తొచ్చే మొదటి హాస్య బ్రహ్మ బ్రహ్మానందం. మరి బ్రహ్మితో కలిపి దాదాపు ఎక్కువ మీమ్స్ ఉండే హీరో ఎవరైనా ఉన్నారు అంటే అది ఖచ్చితంగా మాస్ మహరాజ్ రవితేజ నే అని చెప్పాలి. తమ కాంబినేషన్లో ఎన్నో సినిమాల సీన్స్ ఎవర్ గ్రీన్ గా మీమ్స్ రూపంలో ఎంతో ఎంటర్టైన్మెంట్ ని ఇప్పుడు అందిస్తున్నాయి. మరి ఇంతలా ఎంటర్టైన్ చేసే మీమ్స్ వాటిని క్రియేట్ చేసే మీమర్స్ పై మాస్ మహరాజ్ లేటెస్ట్ గా ఇంట్రెస్టింగ్ కామెంట్స్ చేశారు.
నేను మీమ్స్ చాలా ఎంజాయ్ చేస్తానని మీమర్స్ నిజంగా చాలా క్రియేటివ్ గా ఆలోచిస్తారని ప్రతి మీమ్ కూడా తాను ఎంజాయ్ చేస్తానని హీరో మంచు మనోజ్ హోస్ట్ గా చేస్తున్న టాక్ షో ఉస్తాద్ లో తాను పాల్గొనగా తెలియజేసారు. ఇక ఇదే సమయంలో తన డైలాగ్ నేనింతే నుంచి ‘ఏంటి సార్ అది’ అనే బిట్ ని ప్లే చెయ్యగా ఇదే ఇలాంటివే ఎంజాయ్ చేస్తానని మాస్ మహరాజ్ హ్యాపీగా నవ్వుతూ మీమర్స్ పై కామెంట్స్ చేశారు.