టాలీవుడ్ నటుడు, మెగా ప్రిన్స్ వరుణ్ తేజ్ చివరిసారిగా ఆపరేషన్ వాలెంటైన్ చిత్రంలో కనిపించాడు. ఈ చిత్రం బాక్సాఫీస్ వద్ద ఆశించిన ఫలితాన్ని అందుకోలేదు. తదుపరి మట్కా చిత్రంతో ప్రేక్షకులని అలరించడానికి రెడీ అవుతున్నాడు. కరుణ కుమార్ రచన మరియు దర్శకత్వంలో తెరకెక్కుతున్న ఈ చిత్రంపై ప్రేక్షకుల్లో, అభిమానుల్లో భారీ అంచనాలు నెలకొన్నాయి.
ఈ చిత్రం నుండి ఫస్ట్ లుక్ పోస్టర్ ను మేకర్స్ తాజాగా రిలీజ్ చేశారు. ఈ పోస్టర్ లో వరుణ్ తేజ్ రెండు డిఫెరెంట్ గెటప్ లలో కనిపిస్తున్నారు. రెండు లుక్స్ కూడా బాగా ఆకట్టుకుంటున్నాయి. యంగ్ బ్యూటీ మీనాక్షి చౌదరి మరియు నోరా ఫతేహి ఫీమేల్ లీడ్ రోల్స్ లో నటిస్తున్న ఈ చిత్రానికి జీవి ప్రకాష్ కుమార్ సంగీతం అందిస్తున్నాడు. హాయ్ నాన్న చిత్రంతో సూపర్ హిట్ సాధించిన వైరా ఎంటర్ టైన్మెంట్ వారు నిర్మాణం వహిస్తున్నారు. ఈ చిత్రంపై అందరిలో ఆసక్తి నెలకొంది.