స్టార్ హీరో విక్టరీ వెంకటేష్, సక్సెస్‌ఫుల్ దర్శకుడు అనిల్ రావిపూడి కాంబినేషన్‌లో వస్తున్న హైలీ యాంటిసిపేటెడ్ మూవీ ‘సంక్రాంతికి వస్తున్నాం’. దిల్ రాజు సమర్పణలో శిరీష్ ఈ చిత్రాన్ని గ్రాండ్‌గా నిర్మిస్తున్నారు. మీనాక్షి చౌదరి, ఐశ్వర్య రాజేష్ హీరోయిన్స్‌గా నటిస్తున్నారు. సెన్సేషనల్ కంపోజర్ భీమ్స్ సిసిరోలియో సంగీతం సమకూరుస్తున్నారు. ఇప్పటికే ఈ చిత్రం నుంచి విడుదలైన పాటలు సెన్సేషనల్ హిట్ గా నిలిచి సినిమాపై హ్యుజ్ బజ్ క్రియేట్ చేశాయి. జనవరి 14న ‘సంక్రాంతికి వస్తున్నాం’ ప్రేక్షకుల ముందుకు వస్తోంది. ఈ సందర్భంగా హీరోయిన్ మీనాక్షి చౌదరి విలేకరుల సమావేశంలో ‘సంక్రాంతికి వస్తున్నాం’ విశేషాల్ని పంచుకున్నారు.
‘సంక్రాంతికి వస్తున్నాం’ సినిమాలో పార్ట్ కావడం ఎలా అనిపిస్తోంది?
చాలా ఆనందంగా ఉంది. చాలా గ్రేట్‌ఫుల్‌గా ఉన్నాను. ఫస్ట్ టైం కామెడీ జోనర్ ట్రై చేశాను. ఇందులో కామెడీ స్పేస్‌లో కాప్ రోల్ ప్లే చేయడం చాలా ఎక్సయిటింగ్‌గా ఉంది. నన్ను కాప్ రోల్ చూడటం ఆడియన్స్‌కి కూడా ఓ కొత్త ఎక్స్‌పీరియన్స్. ఫస్ట్ టైం ఇందులో యాక్షన్ సీక్వెన్స్‌లు చేశాను. ఆడియన్స్ చాలా ఎంజాయ్ చేస్తారు.
సంక్రాంతి రావడం ఎలా అనిపిస్తోంది?
లాస్ట్ ఇయర్ సంక్రాంతికి ‘గుంటూరు కారం’ రిలీజ్ అయ్యింది. ఇప్పుడు ఈ సినిమా రిలీజ్ కావడం చాలా ఆనందంగా ఉంది. ఈ జర్నీ ఒక డ్రీమ్‌లా ఉంది. నన్ను బిలీవ్ చేసిన ఇంత మంచి అవకాశాల్ని ఇచ్చిన దర్శక నిర్మాతలు ధన్యవాదాలు. నన్ను నేను నిరూపించుకునే మంచి కథలు, పాత్రలు రావడం చాలా సంతోషంగా ఉంది.
ఇందులో కాప్ రోల్ కోసం ఏదైనా రిఫరెన్స్ తీసుకున్నారా ?
కాప్ రోల్ చేయాలనేది నా డ్రీం. లక్కీగా నా కెరీర్ బిగినింగ్‌లోనే రావడం సంతోషంగా ఉంది. రిఫరెన్స్ ఏమీ తీసుకోలేదు. మా డాడీ ఆర్మీ ఆఫీసర్. ఆఫీసర్ బాడీ లాంగ్వేజ్‌పై ఐడియా ఉంది. నేను కూడా కొంత హోం వర్క్ చేశాను.
వెంకటేష్ గారితో వర్క్ చేయడం ఎలా అనిపించింది?
వెంకటేష్ గారితో వర్క్ చేయడం సూపర్ ఎక్స్‌పీరియన్స్. ఆయన వండర్‌ఫుల్ హ్యూమన్. ఆయనలో ఎప్పుడూ ఒక ఆనందం కనిపిస్తుంటుంది. ఆయన కామెడీ టైమింగ్ అద్భుతం. అనిల్, వెంకీ గారిది సూపర్ హిట్ కాంబినేషన్. సెట్ లో కూడా ఒక మంచి రేపో ఉండేది. సీన్స్ అన్నీ ఫ్లోలో అద్భుతంగా జరిగాయి. వెంకటేష్ గారు చాలా ఫిట్ అండ్ ఎనర్జిటిక్ గా ఉంటారు. ఆయనతో వర్క్ చేయడం గ్రేట్ ఎక్స్‌పీరియన్స్.
ఐశ్వర్య రాజేష్ తో కలసి స్క్రీన్ షేర్ చేసుకోవడం గురించి?
ఐశ్వర్య రాజేష్ గారు ఎస్టాబ్లిష్డ్ యాక్టర్. ఐశ్వర్య నటించిన చాలా సినిమాలు చూశాను. ఒక ఫ్యాన్ మూమెంట్‌లా అనిపించింది, తను చాలా పాజిటివ్ గా ఉంటారు. తనతో కలసి పని చేయడం హ్యాపీగా అనిపించింది. తన నుంచి చాలా విషయాలు నేర్చుకున్నాను.
ఈ సినిమా పాటలు బిగ్ హిట్ అయ్యాయి.. బీమ్స్ మ్యూజిక్ గురించి?
నేను యాక్ట్ చేసిన సినిమాలో అన్ని పాటలు సూపర్ హిట్ కావడం ఇదే తొలిసారి. ‘గోదారి గట్టు’ సాంగ్ సెన్సేషనల్ హిట్ అయ్యింది. తర్వాత నా పేరు ‘మీను’ మీద వచ్చిన పాటకు అద్భుతమైన రెస్పాన్స్ వచ్చింది. అలాగే బ్లాక్ బస్టర్ పొంగల్ సాంగ్ కి ట్రెమండస్ రెస్పాన్స్ వచ్చింది. బీమ్స్ అద్భుతమైన మ్యూజిక్ ఇచ్చారు. మ్యూజిక్ ఎలా అయితే బ్లాక్ బస్టర్ హిట్ అయ్యిందో సినిమా కూడా అలానే బ్లాక్ బస్టర్ హిట్ అవుతుందని ఆశిస్తున్నాను.
‘సంక్రాంతికి వస్తున్నాం’ ఏ జోనర్ ఫిల్మ్?
ఇది మంచి ఫ్యామిలీ సబ్జెక్ట్. మేజర్ పోర్షన్ కామెడీ ఉంటుంది. ఇది క్లీన్ ఫ్యామిలీ ఎంటర్‌టైనర్. అన్నీ ఎమోషన్స్ ఉంటాయి.
‘అన్‌స్టాపబుల్’లో బాలయ్య గారిని కలవడం ఎలా అనిపించింది?
బాలయ్య గారు వన్ అండ్ ఓన్లీ ఓజీ. ఎప్పుడూ యాక్టివ్ అండ్ ఎనర్జిటిక్‌గా ఉంటారు. చాలా ఎమోషనల్ అండ్ వండర్‌ఫుల్ పర్సన్.
కొత్త సినిమాల గురించి?
నవీన్ పొలిశెట్టితో ఒక సినిమా చేస్తున్నాను. మరో రెండు సినిమాలు మేకర్స్ అనౌన్స్ చేస్తారు. ఈ ఏడాది కూడా వండర్‌ఫుల్ గా ఉంటుందని ఆశిస్తున్నాను.
