మెగాస్టార్ చిరంజీవి తాజాగా యువి క్రియేషన్స్ బ్యానర్ పై యువ దర్శకుడు మల్లిడి వశిష్ఠ దర్శకత్వంలో ఒక భారీ సోషియో ఫాంటసీ మూవీ చేయనున్న విషయం తెలిసిందే. ఇటీవల గ్రాండ్ గా లాంచ్ అయిన ఈ మూవీ మెగాస్టార్ కెరీర్ 156వ మూవీగా రూపొందనుంది. కీరవాణి సంగీతం అందించనున్న ఈ మూవీకి చోటా కె నాయుడు ఫోటోగ్రఫి అందించనున్నారు. విషయం ఏమిటంటే, ప్రస్తుతం ఈ మూవీ యొక్క ప్రీ ప్రొడక్షన్ వర్క్ ఫుల్ స్వింగ్ లో జరుగుతోంది.
కాగా ఈ మూవీ గురించి ఒక ఆంగ్ల పత్రిక వారితో తాజాగా ముచ్చటించిన దర్శకుడు వశిష్ట పలు ఇంట్రెస్టింగ్ విషయాలు వెల్లడించారు. తన చిన్నతనంలో మెగాస్టార్ గారి జగదేకవీరుడు అతిలోక సుందరి మూవీ చూసి ఎంతో ఆశ్చర్యపోయానని అన్నారు. ఆ విధమైన సోషియో ఫాంటసి మూవీని మెగాస్టార్ మళ్ళి చేయలేదని, మధ్యలో అంజి వచ్చినప్పటికీ అది పూర్తి స్థాయి ఫాంటసీ మూవీ కాదని అన్నారు.
అందుకే తాను ప్రస్తుతం తీయబోయే మూవీ విషయమై ఎంతో శ్రద్ధ తీసుకుని ఒక సరికొత్త ప్రపంచాన్ని సృష్టిస్తున్నట్లు తెలిపారు. ఈ మూవీ లో దాదాపుగా డెబ్భై శాతానికి పైగా విజువల్ ఎఫెక్ట్స్ ఉంటాయని, తప్పకుండా చిరంజీవి గారి ఫ్యాన్స్ మాత్రమే కాదు ఆడియన్స్ అందరూ ఆయన నుండి ఆశించే అన్ని అంశాలు తన పాత్రలో ఉంటాయని తెలిపారు. త్వరలో సెట్స్ మీదకు వెళ్లనున్న ఈమూవీ గురించి మరిన్ని విషయాలు ఒక్కొక్కటిగా రాబోయే రోజుల్లో వెల్లడవుతాయని తెలిపారు వశిష్ట.