లెజెండరీ హీరో మెగాస్టార్ చిరంజీవి హీరోగా నటించిన లేటెస్ట్ చిత్రం “గాడ్ ఫాథర్”. మరి ఈ చిత్రంతో మళ్ళీ మంచి కం బ్యాక్ అయితే ఇచ్చిన చిరు ఇప్పుడు ఈ సక్సెస్ లో హ్యాపీగా ఉన్నారు. మరి ఇందులో భాగంగా మెగాస్టార్ అయితే మీడియాతో మంచి యాక్టీవ్ గా కూడా ఉన్నారు. అలా లేటెస్ట్ గా ఇచ్చినటువంటి ఇంటర్వ్యూ లో పలు ఆసక్తికర అంశాలు పంచుకోగా ప్రస్తుతం నడుస్తున్న ట్రెండ్ లో మన సీనియర్ హీరోలు విక్టరీ వెంకటేష్, నందమూరి బాలకృష్ణ లు ఓటిటి లో ఎంట్రీ ఇచ్చి అదరగొట్టగా..
తన ఎంట్రీ ప్రశ్నపై అయితే చిరు ఓ క్లారిటీ ఇచ్చారు. ఓటిటి లో కూడా ఎంట్రీ ఇచ్చేందుకు తనకి ఎలాంటి అభ్యంతరం లేదని మంచి సబ్జెక్ దొరికితే అందులో కూడా డెఫినెట్ గా చేస్తానని తెలిపారు. అంతే కాకుండా లాక్ డౌన్ టైం లో తాను ఏవో ఒప్పుకున్నట్టు వచ్చిన వార్తలు అయితే అవాస్తవం అని మెగాస్టార్ క్లారిటీ ఇచ్చారు. అలాగే తాను స్మాల్ స్క్రీన్ పై మీలో ఎవరు కోటీశ్వరుడు చేసానని కూడా గుర్తు చేసారు. మరి ఓటిటి ఎంట్రీ అయితే బాస్ నుంచి ఎప్పుడు ఉంటుందో చూడాలి.
