ఒక కొత్త ప్రేమ కథా చిత్రం ‘మేం వయసుకు వచ్చాం’. అని చెబుతున్నారు.. ఆ చిత్ర దర్శకుడు త్రినాధరావ్ నిక్కిన. ఈ సినిమాలో నితి టైలర్, తనిష్ హీరో హీరోయిన్ లు గా నటిస్తున్నారు. ఈ చిత్రం లో కథానాయిక పాత్ర ఓ ప్రత్యేకమైన శైలిలో ఉంటుందని డైరెక్టర్ వెల్లడించారు. ఈ మూవీ తో తొలిసారి తెలుగు తెరకు పరిచయమవుతోన్న నితి టైలర్ నటన అద్భుతంగా ఉంటుందని ఆయన అంటున్నారు. ఈ సమాజంలో ఎలా నడుచుకోవాలో పూర్తి స్తాయి అవగాహన కలిగిన ఒక టీనేజర్ గా ఆమె చాలా బాగా నటించిందని చెప్పారు.
ఈ చిత్ర షూటింగ్ అరవై శాతం పూర్తయింది, ప్రీ- క్లైమాక్స్ సన్నివేశాలు ప్రస్తుతం సారధి స్టూడియోస్ లో చిత్రీకరిస్తున్నామని దర్శకుడు త్రినాధ రావు వివరించారు. ఈ షెడ్యూల్ నవంబర్ 24 తో ముగుస్తుందని, తదుపరి, చివరి షెడ్యూల్ డిసెంబర్ 15 నుంచి ప్రారంభమై జనవరి మొదటి వారంలో ముగుస్తుందని ఆయన పేర్కొన్నారు.
కాగా, ఈ సినిమా జనవరి 26 న ప్రేక్షకుల ముందుకు వచ్చే అవకాశం ఉంది. రమాప్రభ, విశ్వనాధ్ కాశి, సూర్య ఇంకా, సన ఈ చిత్రంలో ఇతర తారాగణం. సంగీతం శేఖర్ చంద్ర అందిస్తున్నారు. బి. వేణుగోపాల్, మరియూ లక్ష్మణ్ .కె ఈ చిత్రానికి నిర్మాతలు.