థియేట‌ర్ల‌లో సినిమాలు రిలీజ్ అయ్యి విజ‌యాన్ని అందుకున్నా, ఓట‌మి పాలైనా చాలా త్వ‌ర‌గా ఓటీటీలో స్ట్రీమింగ్ కు వ‌చ్చేస్తున్నాయి. ఈ వారం ఓటీటీ ప్లాట్ ఫామ్ ల‌లో ప‌లు ఆసక్తక‌ర సినిమాలు ఉన్న సంగ‌తి తెలిసిందే. అయితే, ఇప్పుడు మ‌రో థ్రిల్ల‌ర్ మూవీ కూడా ఓటీటీలో స్ట్రీమింగ్ కు రాబోతున్న‌ట్లు తెలుస్తోంది.
‘ప్రేమిస్తే’ ఫేం భ‌ర‌త్ నటించిన థ్రిల్ల‌ర్ మూవీ ‘మిర‌ల్’ 2022 న‌వంబ‌ర్ లో త‌మిళ్ లో రిలీజ్ అయ్యింది. ఈ సినిమాను తెలుగులో మే 17న థియేట‌ర్ల‌లో రిలీజ్ చేశారు. బాక్సాఫీస్ వ‌ద్ద నిరాశ‌ప‌రిచిన ఈ చిత్రం ఇప్పుడు ఓటీటీలో స్ట్రీమింగ్ కు రెడీ అయిన‌ట్లుగా తెలుస్తోంది. ప్ర‌ముఖ ఓటీటీ ప్లాట్ ఫామ్ ఆహాలో ఇప్ప‌టికే త‌మిళ్ లో అందుబాటులో ఉన్న ‘మిర‌ల్’, జూన్ 7 నుంచి తెలుగు డ‌బ్బింగ్ కూడా స్ట్రీమింగ్ కానున్న‌ట్లు వార్త‌లు వినిపిస్తున్నాయి.
అదే రోజున ఆహాలో హ‌న్సిక నటించిన ‘105 మిన‌ట్స్’ మూవీ కూడా స్ట్రీమింగ్ కానుందట. ఈ వార్త గ‌న‌క నిజ‌మైతే ఒకే రోజున రెండు థ్రిల్ల‌ర్ సినిమాల‌ను వీక్షించవ‌చ్చు. మ‌రి దీనిపై అఫీషియ‌ల్ అప్డేట్ రావాల్సి ఉంది.
