రియల్ స్టార్ శ్రీహరి యమధర్మ రాజు గా కనిపించబోతున్నారు. ‘యమహో యమ’ పేరుతో వస్తోన్న సాంఘిక ఫాంటసీ చిత్రం లో ఆయన ఈ అవతారమెత్తబోతున్నారు. ఈ చిత్రంలో సాయిరాం శంకర్, పార్వతి మిల్టన్ ముఖ్య పత్రాలు పోషిస్తున్నారు. వై. జితేందర్ ఈ మూవీ కి దర్శకుడు కాగా, విజయ్ కుమార్ గౌడ్ నిర్మాత. ఇటీవల రామోజీ ఫిలిం సిటీలో ఒక పాటను పూర్తి చేసారు. అనంతరం ఒక లాంగ్ షెడ్యూల్ను అమెరికాలో ప్లాన్ చేస్తున్నారు.
కామెడి ఎంటర్ టైనర్ గా సాగే ఈ చిత్రంలో శ్రీహరి పోషించే యమధర్మ రాజు పాత్ర హైలెట్ గా ఉంటుందంటున్నారు దర్శకుడు. అమెరికాలో శ్రీహరి చేసే చిలిపి చేష్టలు అందరిని కడుపుబ్బానవ్విస్తాయని ఆయన తెలిపారు.
మహతి ఈ చిత్రానికి మ్యూజిక్ కంపోజ్ చేస్తున్నారు. అమెరికాలో షూటింగ్ కు వెళ్లబోయేముందు ఈ సినిమా కర్నూల్, ఆదోని, మరియూ మంత్రాలయం లో షూటింగ్ జరుపుకుంటుంది.