కింగ్ నాగార్జున సోషియో ఫాంటసీ కోలాహలం ‘డమరుకం’. ఈ చిత్రం షూటింగ్ తాజా షెడ్యూల్ రామోజీ ఫిలిం సిటీలో ప్రారంభమైంది. ఈ సినిమా యూనిట్ కర్ణాటక పరిసరాల్లో కొన్ని కీలక సన్నివేశాలు చిత్రీకరించి ఇటీవలే తిరిగివచ్చింది.
ఆర్ఆర్ మూవీ మేకర్స్ ద్వారా నిర్మితమవుతున్న ‘డమరుకం’ సినిమా నాగార్జున సినీ కెరీర్ లోనే అత్యంతఖరీదైన చిత్రం. ఈ సినిమాను రక్తి కట్టించేందుకు ఎలాంటి వ్యయ ప్రయాసలకు వెనుకాడకుండా నిర్మిస్తున్నారు. సూపర్ హిట్ ఇండియన్ నోవెల్ ‘ది ఇమ్మోర్టల్స్ ఆఫ్ మెలూహ’ ఆధారంగా ఈ సినిమా రూపొందిస్తున్నట్టు తెలుస్తోంది. ఒక సాధారణ మనిషి చెడు పై పోరాడినప్పుడు ఎంత ఎత్తుకు ఎదుగుతాడన్న ఇతివృత్తం తో ఈ కథ నడుస్తుంది.
నాగ్ సరసన అనుష్క హీరోయిన్ గా నటిస్తున్న ఈ చిత్రానికి దేవి శ్రీ ప్రసాద్ సంగీతాన్ని అందిస్తున్నారు. ఈ సినిమాకు శ్రీనివాస్ రెడ్డి దర్శకుడు.
