హిందీ లో ‘సింఘం’ సినిమా సూపర్ హిట్ కావటంతో బాలీవుడ్ లోనూ ప్రకాష్ రాజ్ తన స్థానాన్ని పదిలపరుచుకున్నాడు. తెలుగు, తమిళ చిత్రాలతో ఎప్పుడూ అత్యంత బిజీగా వుండే ఈ జాతీయ ఉత్తమ నటుడు తన సమయాన్ని చాకచక్యంగా వినియోగించుకుంటున్నాడు. ఓ ప్రక్క నటన, మరోప్రక్క దర్శకత్వం, ఇంకోప్రక్క సినీ నిర్మాణం ఇత్యాది పనులన్నీ చురుగ్గా నిర్వర్తిస్తున్నారు.
తాజాగా, ప్రకాష్ రాజ్ దబాంగ్ సీక్వెల్ లో నటించేందుకు సంతకం చేసారని సమాచారం. సల్మాన్ ఖాన్, సోనక్షి సిన్హా తమ పాత్రలను తిరిగి ఈ సినిమాలోనూ పోషించబోతున్నారు. ప్రకాష్ రాజ్ విలన్ పాత్రలో కనిపించే అవకాశం ఉంది. సల్మాన్ – ప్రకాష్ రాజ్ గతంలో ‘వాంటెడ్’ సినిమాలో నటించారు. ఈ మూవీ సల్మాన్ ఖాన్ నట జీవితానికి పునః రుత్తేజాన్ని ఇచ్చింది. ఆసక్తికర మైన విషయం ఏమంటే, ‘దబాంగ్’ సినిమాలో విలన్ పాత్రను పోషించిన సోనూ సూద్ కూడా ఈ సీక్వెల్ లో నటించబోవటం.
అర్బాజ్ ఖాన్ దర్శకత్వం వహించబోతోన్న ఈ చిత్రం కొత్త సంవత్సరం లో సెట్స్ పైకి వెళ్లనుంది.