ప్రిన్స్ మహేష్ బాబు ‘బిజినెస్ మాన్’ చిత్రం 11 జనవరి 2012 న ప్రేక్షకుల ముందుకు వచ్చేందుకు శరవేగంగా సన్నాహాలు జరుపుకుంటోంది. విశ్వసనీయ వర్గాల సమాచారం ప్రకారం ఈ సినిమా ఆడియో విడుదల తేదీపై మన వద్ద వివరాలు ఉన్నాయి. ఈ మూవీ ఆడియో ని డిసెంబర్ 11 వ తేదీన వైభవంగా విడుదల చేయాలని నిర్ణయించారు. ఈ సినిమాకు సంగీతం తమన్ అందించారు.
డిసెంబర్ 8 నాటికి చిత్ర షూటింగ్ పూర్తి చేయాలని భావిస్తున్నారు. పూరి జగన్నాథ్ దర్శకత్వం వహిస్తోన్న ఈ చిత్రం లో హీరోయిన్ గా కాజల్ అగర్వాల్ నటిస్తోంది. ఆర్ఆర్ మూవీ మేకర్స్ బ్యానర్ పై ఈ సినిమా నిర్మింపబడుతోంది. ప్రధానంగా ముంబై మాఫియా బ్యాక్ డ్రాప్ తో ఈ మూవీ తెరకెక్కబోతుంది.
రికార్డ్ టైం లో నిర్మాణం పూర్తి చేసుకుంటున్న ఈ సినిమా ఫస్ట్ లుక్ కు ఇప్పటికే మంచి రెస్పాన్స్ వచ్చిన సంగతి తెలిసిందే.
