ప్రిన్స్ మహేష్ బాబు తదుపరి చిత్రం ‘బిజినెస్ మాన్’ . ప్రొడక్షన్ వర్క్ కు రెడీ అవుతోన్న ఈ మూవీని 11వ తేదీ జనవరి 2012 న విడుదల చేసేందుకు త్వరితగతిన సన్నాహాలు చేస్తున్నారు. ఈ చిత్రాన్ని ప్రముఖ దర్శకుడు పూరీ జగన్నాథ్ డైరెక్ట్ చేస్తుండగా, మహేష్ సరసన కాజల్ అగర్వాల్ నటిస్తోంది. ఈ చిత్రానికి సంబంధించి ఒక ప్రత్యేకమైన సమాచారం మనదగ్గరుంది. అదేమిటంటే, ఈ మూవీ డబ్బింగ్ వర్క్ నవంబర్ 15 నుంచి శబ్దాలయ స్టూడియో లో జరుగబోతుంది అనేది.
తమన్ ఈ చిత్రానికి సంగీతం అందిస్తున్నారు. ఈ చిత్ర ఆడియో డిసెంబర్ లో విడుదలయ్యే అవకాశం ఉంది. ఆర్ఆర్ మూవీ మేకర్స్ ఈ చిత్రాన్ని అందిస్తోంది. ‘పోకిరి’ వంటి బ్లాక్ బస్టర్ చిత్రాన్ని అందించిన పూరీ – మహేష్ కంబినేషన్ లో వస్తోన్న ఈ చిత్రం పై భారీ అంచనాలే నెలకొన్నాయి.