త్వరలో ప్రేక్షకుల ముందుకు రాబోతున్న ప్రిన్స్ మహేష్ బాబు చిత్రం ‘బిజినెస్ మాన్’. మరికొన్ని రోజుల్లో ఈ చిత్ర యూనిట్ షూటింగ్ నిమిత్తం బ్యాంకాక్ కు పయనం కాబోతుంది. యూరప్ లో కొన్నిసాంగ్స్ కూడా చిత్రీకరణ చేయనున్నారు. అనుకున్న సమయానికి సినిమా చిత్రీకరణ పూర్తి చేయాలన్న పట్టుదలతో బ్యాంకాక్ లో షూట్ చేయబోతున్నట్టు తెలిసింది. డిసెంబర్ నెల మధ్య నాటికి షూటింగ్ పూర్తి చేయాలని చిత్ర యూనిట్ ప్రయత్నిస్తోంది.
తొలిసారిగా మహేష్ బాబు సరసన ఈ చిత్రం లో కాజల్ అగర్వాల్ నటిస్తోంది. ప్రముఖ దర్శకుడు పూరీ జగన్నాథ్ దర్శకత్వం వహిస్తోన్న ఈ చిత్రాన్ని ఆర్ ఆర్ మూవీ మేకర్స్ బ్యానర్ పై వెంకట్ నిర్మిస్తున్నారు. ఎస్ఎస్ తమన్ సంగీతం అందిస్తున్నారు. ఈ చిత్రాన్ని హిందీలో కూడా పునర్నిర్మించనున్నారు. తెలుగు, తమిళ, మలయాళ భాషల్లో ఈ సినిమా 11 జనవరి 2012 న ప్రేక్షకుల ముందుకు రానుంది.