పవన్ కళ్యాణ్ నటించిన పంజా ఆడియో విడుదల వేడుకఇటీవలే గచ్చిబౌలి స్టేడియంలో జరిగిన విషయం తెలిసిందే. అయితే ఈ వేడుకకి మెగా ఫ్యామిలీ నుండి ఎవరు హాజరు కాకపోవడం చర్చకు దారి తీసింది. దీనిని ఆధారంగా చేసుకొని మీడియాలో మెగా ఫ్యామిలీ మధ్య గొడవలు అంటూ పలు పుకార్లు మొదలు పెట్టారు.
నాగ బాబు ఈ పుకార్లని ఖండించారు. తామంతా కలిసే ఉన్నామని, చిరంజీవి గారు పలు రాజకీయ కార్యక్రమాల్లో బిజీగా ఉండటం, నాగ బాబుకి ఆరోగ్యం బాగాలేకపోవడం, రామ్ చరణ్ రచ్చ షూటింగ్ నిమిత్తం చైనాలో ఉండటం వల్ల పంజా ఆడియో వేడుకకి హాజరు కాలేకపోయారని, అల్లు అర్జున్ అక్కడకి రావడానికి బయలుదేరి ట్రాఫిక్ జామ్ లో ఇరుక్కుపోవడం వల్ల రాలేకపోయారని అన్నారు. ఇకనుంచైనా ఈ తప్పుడు ప్రచారం మానుకుంటే మంచిదని నాగ బాబు అన్నారు.