వరుణ్ సందేశ్ హీరో గా నటిస్తోన్న ‘ప్రియుడు’ సినిమా ఆడియో విడుదలైంది. గత రాత్రి(నవంబర్ 11) జయభేరి క్లబ్ లో ఈ వేడుక జరిగింది. ఈ రొమాంటిక్ ఎంటర్ టైనర్ లో వరుణ్ సందేశ్ – ప్రీతిక రావ్ లీడ్ రోల్స్ పోషిస్తున్నారు. సుకుమార్ సహాయకుడు శ్రయన్ ఈ చిత్రంతో దర్శకునిగా అరంగేట్రం చేస్తున్నారు. యుకె ఎవెన్యూస్ బ్యానర్ పై ఉదయ కిరణ్ ఈ సినిమాను నిర్మిస్తున్నారు. మోహన్ జోనః మ్యూజిక్ అందించారు.
హార్భాటంగా సాగిన ఆడియో వేడుకలో వరుణ్ సందేశ్, ప్రీతిక రావ్, సుకుమార్, ఆర్ పి పట్నాయక్, శ్రయన్, ఉదయ కిరణ్(ప్రొడ్యూసర్), నాని, తనిష్, రన్ దీర్, విశ్వనాధ్ కాశి, తారక రత్న, ఉదయ కిరణ్(యాక్టర్) మరికొంత మంది ప్రముఖులు పాల్గొన్నారు.
ఈ మూవీ నవంబర్ 25 న ప్రేక్షకుల ముందుకు వచ్చే అవకాశం ఉంది.
