రవితేజ హీరో గా శౌర్యం శివ దర్శకత్వం లో రాబోతున్న సినిమా షూటింగ్ తమిళనాడులోని మహాబలిపురం లో జరుగుతోంది. అయితే, ఈ సినిమా టైటిల్ ఇంకా నిర్ణయం కాలేదు. తాప్సీ ఈ సినిమాలో కథానాయికగా నటిస్తోంది. గత రెండువారాలుగా ఈ సినిమా షూటింగ్ చెన్నై, హైదరాబాద్ లలో జరుగుతుంది.
శ్రీ వెంకటేశ్వర ఎంటర్ టైన్మెంట్ బ్యానర్ పై బూరుగుపల్లి శివరామ కృష్ణ ఈ సినిమాను నిర్మిస్తున్నారు. ఈ సినిమా మాస్ ఎంటర్ టైనర్ గా ఉండబోతుందని సమాచారం.
మరో మూవీ ‘నిప్పు’ షూటింగ్ లోనూ రవితేజ బిజీ బిజీ గా ఉన్నారు. ఏకకాలం లో ఆయన రెండు సినిమాలకు పనిచేస్తున్నారు. ఈ సినిమా 13 జనవరి 2012 న ప్రేక్షకుల ముందుకు రాబోతుంది.
