ఇప్పుడు మన ఇండియన్ సినిమా దగ్గర ప్రెజెంట్ తరం యువ స్టార్ హీరోస్ పై పలు భారీ మల్టీస్టారర్ సినిమాలు చూస్తున్నాము. గతంలో కూడా పలు క్రేజీ మల్టీస్టారర్ చిత్రాలు కూడా లేకపోలేవు. మన సీనియర్ హీరోస్ చాలా మంది ఎన్నో మల్టీస్టారర్ సినిమాలు చేశారు. అయితే ఇపుడు మళయాళ సినిమా నుంచి ఒక ఐకానిక్ మల్టీస్టారర్ సినిమా ఇపుడు ఆరంభం అయ్యింది.
మరి ఈ చిత్రంని మహేష్ నారాయణన్ దర్శకత్వం వహిస్తుండగా ఈ చిత్రంలో మరో వెర్సటైల్ నటుడు ఫహద్ ఫాజిల్ కూడా నటిస్తున్నాడు. మరి మోహన్ లాల్, మమ్ముట్టికి మళయాళ సినిమా దగ్గర ఎలాంటి ఆదరణ మార్కెట్ ఉందో తెలిసిందే. మరి మళ్ళీ రెండు దశాబ్దాల తర్వాత ఈ లెజెండరీ కలయిక సాధ్యం అయ్యింది. అయితే ఈ సినిమా షూటింగ్ ప్రస్తుతం శ్రీలంకలో మొదలు కాగా ఆల్రెడీ మోహన్ లాల్ ఈ షెడ్యూల్ లో జాయిన్ అయ్యారు.
ఇక ఈ చిత్రానికి ఆంటో జోసెఫ్ నిర్మాణం వహిస్తుండగా ఈ బిగ్ ప్రాజెక్ట్ ని శ్రీలంక సహా, అబుదాబి, అజర్ బాయిజాన్ థాయిలాండ్ సహా ఇండియాలో కొచ్చి, హైదరాబాద్, ఢిల్లీ ఇంకా విశాఖపట్నం లాంటి ప్రధాన ప్రాంతాల్లో తెరకెక్కిస్తుండడం విశేషం. మరి ఈ మొత్తాన్ని 150 రోజుల్లో ఫినిష్ చేసే విధంగా ప్లాన్స్ చేసుకున్నట్టుగా ఇపుడు తెలుస్తుంది. మొత్తానికి అయితే ఒక పర్ఫెక్ట్ భారీ మల్టీస్టారర్ ని పక్కా ప్లానింగ్ తో చేస్తున్నారని చెప్పాలి.