మాస్ మహారాజ రవితేజ హీరోగా, దర్శకుడు హరీష్ శంకర్ దర్శకత్వంలో తెరకెక్కిన మాస్ యాక్షన్ ఎంటర్టైనర్ మిస్టర్ బచ్చన్. ఆగస్టు 15 వ తేదీన వరల్డ్ వైడ్ గా థియేటర్లలో రిలీజ్ కి రెడీ అయిన ఈ సినిమా కోసం ఆడియెన్స్ ఎంతగానో ఎదురు చూస్తున్నారు. ఈ చిత్రం హిందీ రెయిడ్ చిత్రానికి రీమేక్ గా తెరకెక్కింది. రిలీజైన ప్రచార చిత్రాలు, పాటలు, ట్రైలర్ సినిమాపై మరింత ఆసక్తిని పెంచింది. రిలీజ్ డేట్ దగ్గర పడుతున్న నేపథ్యంలో మేకర్స్ ప్రీ రిలీజ్ ఈవెంట్ ను ప్లాన్ చేస్తున్నారు.
ఆగస్టు 12 వ తేదీన STBC కాలేజీ గ్రౌండ్స్ కర్నూల్ లో సాయంత్రం 6:00 గంటల నుండి ఈ కార్యక్రమం ప్రారంభం కానుంది. ఇదే విషయాన్ని ఒక పవర్ ఫుల్ పోస్టర్ ద్వారా వెల్లడించారు. పోస్టర్ లో మాస్ మహారాజ రవితేజ స్టైల్ అండ్ స్వాగ్ అదుర్స్ అని చెప్పాలి. వింటేజ్ మాస్ మహారాజ ను ఈ చిత్రంలో చూడబోతున్నట్లు తెలుస్తుంది. ఇక భాగ్యశ్రీ బోర్సే హీరోయిన్ గా నటించిన ఈ చిత్రానికి మిక్కీ జే మేయర్ సంగీతం అందించారు.