మాస్ మహారాజ రవితేజ, భాగ్య శ్రీ బోర్సే ప్రధాన పాత్రల్లో నటించిన యాక్షన్ ఎంటర్టైనర్ మిస్టర్ బచ్చన్ చిత్రం ఆగస్టు 15 వ తేదీన వరల్డ్ వైడ్ గా థియేటర్లలోకి రానుంది. ఈ చిత్రం ప్రీమియర్ షోలతో ఆగస్టు 14 వ తేదీ సాయంత్రం నుండి ప్రేక్షకులకు అందుబాటులో ఉండనుంది. అయితే ఈ చిత్రం ప్రీమియర్ షోస్ కి సంబందించిన అడ్వాన్స్ బుకింగ్స్ ప్రారంభం అయ్యాయి. ఈ చిత్రం ప్రీమియర్ షోలను చాలా ప్రాంతాల్లో ప్రదర్శించేందుకు సన్నాహాలు చేస్తున్నారు.
ఈ చిత్రం నుండి రిలీజైన ప్రచార చిత్రాలు, పాటలు, ట్రైలర్ సినిమా పై అందరిలో ఆసక్తిని కలిగించాయి. పీపుల్ మీడియా ఫ్యాక్టరీ పతాకంపై టీజీ విశ్వ ప్రసాద్ నిర్మించిన ఈ చిత్రానికి మిక్కీ జే మేయర్ సంగీతం అందించారు. విలక్షణ నటుడు జగపతి బాబు కీలక పాత్రలో కనిపించనున్న ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి.
