రవితేజ కొత్త సినిమా సెట్స్‌లో ‘మిస్టర్ బచ్చన్’ సక్సెస్ సెలబ్రేషన్స్

మాస్ రాజా రవితేజ లేటెస్ట్ మూవీ ‘మిస్టర్ బచ్చన్’ మంచి అంచనాల మధ్య రిలీజ్ అయ్యి థియేటర్లలో సందడి చేస్తోంది. ఈ సినిమాకు మిక్సిడ్ టాక్ రావడంతో మాస్ ఆడియెన్స్ ఈ సినిమాను చూసేందుకు ఆసక్తిని చూపుతున్నారు. లాంగ్ వీకెండ్‌లో ఈ సినిమా పుంజుకుంటుందని మేకర్స్ భావిస్తున్నారు.

ఇక ఈ సినిమాకు మంచి విజయాన్ని అందించిన అభిమానులకు ‘మిస్టర్ బచ్చన్’ టీమ్ ధన్యవాదాలు తెలిపింది. తమ సక్సెస్ సెలబ్రేట్ చేసుకునేందుకు దర్శకుడు హరీష్ శంకర్ మరియు హీరోయిన్ భాగ్యశ్రీ బొర్సె తమ హీరో వద్దకు వెళ్లారు. రవితేజ ప్రస్తుతం తన కొత్త సినిమా షూటింగ్‌లో బిజీగా ఉన్నాడు. దీంతో ఆయన్ను కలిసేందుకు షూటింగ్ సెట్స్‌లో ప్రత్యక్షమయ్యారు మిస్టర్ బచ్చన్ డైరెక్టర్ అండ్ హీరోయిన్. తమ ఆనందాన్ని ఆయనతో కలిసి పంచుకున్నారు.

దీనికి సంబంధించిన వీడియో గ్లింప్స్‌ను చిత్ర యూనిట్ సోషల్ మీడియాలో షేర్ చేసింది. ఇక మిస్టర్ బచ్చన్ చిత్రంలో జగపతి బాబు విలన్ పాత్రలో నటించగా, మిక్కీ జే మేయర్ సంగీతం అందించారు. ఈ సినిమాను పీపుల్ మీడియా ఫ్యాక్టరీ బ్యానర్ పై టి.జి.విశ్వ ప్రసాద్ ప్రొడ్యూస్ చేశారు.